Тоқаевтың АҚШ конгрессмені Кэрол Миллерді қабылдаудағы мақсаты қандай?

Президент Қасым-Жомарт Тоқаев АҚШ Конгресінің Өкілдер палатасының мүшесі Кэрол Миллерді қабылдады, деп хабарлады Orda.kz.

Президенттің айтуынша, тәуелсіздік алған сәттен бастап АҚШ Қазақстанның сенімді серіктесі саналады. 

Тоқаев кездесу барысында өңірлік және халықаралық қауіпсіздікті қамтамасыз ету, ядролық қару таратпау секілді негізгі салалардағы, сондай-ақ сауда-экономикалық, инвестициялық ықпалдастықтағы бірлескен табыстарды атап өтті. Екі ел арасындағы тауар айналымы тұрақты түрде өсіп, 4 миллиард доллардан асқан.

Кэрол Миллер сый-құрметі үшін Қазақстан Президентіне алғыс айтып, АҚШ-тың нәтижелі диалогты жалғастыруға мүдделі екенін жеткізді. Әңгімелесу барысында екіжақты қарым-қатынастың перспективасы талқыланды.