Тоқаевтың «Әке туралы ой-толғау» атты аудиокітабы шықты

Мәдениет және ақпарат министрлігі adebiportal.kz отандық әдеби порталында Қасым-Жомарт Тоқаевтың «Әке туралы ой толғау» аудиокітабі шыққанын мәлімдеді, деп хабарлайды Orda.kz. 

Министрліктің мәліметінше, кітап қазақ әдебиетіндегі детектив жанры негізін қалаушы Кемел Тоқаевтың өмір жолына арналған.

Ел президенті кітапта әкесінің өмірі мен шығармашылығы туралы жеке естеліктерін айтқан. Әрі Кемел Тоқаевтың қиындыққа толы балалық шағы, оның майдандағы жастық кезі мен соғыстан кейінгі шығармашылық жолы туралы айтылған. Тоқаев анасы Тұрар Шабарбаеваға да арнайы бөлім арнаған.