Тоқаев, Жапаров, Рахмон: Путиннің көмекшісі Мәскеудегі жеңіс шеруінде кім болатынын айтты

Ресей Федерациясы Президентінің көмекшісі Юрий Ушаков Қасым-Жомарт Тоқаевтың Мәскеудегі Жеңіс шеруіне қатысатынын растады, деп хабарлайды Orda.kz.

Тоқаевтан басқа шараға Қырғызстан, Беларусь, Куба, Гвинея-Бисау және басқа да елдердің президенттері қатысады.

«Сонымен қатар шеруге ҰҚШҰ, ТМД, ЕАЭО, ШЫҰ атқарушы органдарының басшылары, әскери атташелері мен дипломатиялық миссия басшылары шақырылған», - деді Юрий Ушаков.

Шеруден кейін мемлекет басшылары Белгісіз солдат бейітіне бірлескен гүл шоқтарын қою рәсіміне қатысады. Осыдан кейін президенттердің бір бөлігі Ресейден кетеді, ал басқалары Владимир Путинмен келіссөздер үшін қалады.