Тоқаев жаңа тағайындалған Абай облысының әкімі Берік Уәлимен кездесті

Мемлекет басшысы Абай облысының әкімі Берік Уәлимен кездесіп,  өзекті мәселелерді кезең-кезеңімен шешуді тапсырды, деп хабарлайды Orda.kz.

Облыс әкімі баяндамасынан:

•  жергілікті бюджеттің шығыс және кіріс бөлігіне жан-жақты талдау жүргізілген. Үнемделген қаражат өзекті мәселелерді шешуге жұмсалады;
•  2028 жылға дейін жалпы құны 2,2 триллион теңге болатын және 8 мыңнан астам жұмыс орнын ашуға мүмкіндік беретін 24 инвестициялық жобаның тізімі жасақталған;
• «Жайлы мектеп» ұлттық жобасы аясында 5 нысанның және оқушылар сарайының құрылысы қолға алынған;
• Аспалы көпірді реконструкциялаудың жобалық-сметалық құжаттамасы әзірленіп, Ертіс өзені арқылы өтетін тағы бір көпір салынып жатыр;
• Семей қаласында айналма жол салу мәселесі пысықталуда.

Президент  өңдеу өнеркәсібін өркендету, жаңадан тұрақты жұмыс орындарын ашу, облыс орталығын абаттандыру және инфрақұрылымды дамыту бағытында шаралар қабылдау қажет екеніне тоқталды.