Тоқаев Жақсылықовқа тапсырма берді

Қазақстан Президенті Қасым-Жомарт Тоқаев Қорғаныс министрі Руслан Жақсылықовқа қорғаныс-өнеркәсіп кешенімен (ҚӨК) белсенді ынтымақтастық орнатып, аумақтық қорғанысты дамыту жөнінде тапсырма берді, деп хабарлайды Orda.kz.

Кездесу барысында Қорғаныс министрі Руслан Жақсылықов мемлекет басшысына әскерлердің жауынгерлік дайындығы нәтижелері, күзгі шақыру науқаны және әскери қызметтегі тәртіп пен қауіпсіздікті нығайту шаралары туралы баяндады. Армияның жауынгерлік әлеуетін арттыру және әскерлерді дайындаудың жаңа тәсілдеріне ерекше назар аударылды.

«Президент – Қазақстан Республикасы Қарулы Күштерінің Жоғарғы Бас Қолбасшысы Қасым-Жомарт Тоқаев министрге отандық қорғаныс кәсіпорындарымен өзара іс-қимылды жандандыру, аумақтық қорғанысты, арнайы операциялар күштерін дамыту және әлеуметтік-құқықтық жұмысты күшейту бойынша нақты тапсырмалар жүктеді» делінген хабарламада.

Министр жаңа техника мен қару-жарақ үлгілерінің, оның ішінде ұшқышсыз авиациялық жүйелер мен радиоэлектрондық күрес кешендері жеткізілімі және мемлекеттік қорғаныс тапсырысының орындалуы туралы хабарлады.

Қасым-Жомарт Тоқаев БҰҰ аясында Голан шыңдарында қазақстандық бітімгершілік контингенті қызметін ерекше маңызға ие екенін атап өтті.