Тоқаев Вашингтонда отандастарымызбен кездесті

Президент Қасым-Жомарт Тоқаев Вашингтонға жұмыс сапарымен келді. Президент Америка Құрама Штаттарында тұратын және білім алып жүрген Қазақстан азаматтарымен кездесті, деп хабарлайды Orda.kz. 

Қасым-Жомарт Тоқаев өскелең ұрпаққа үлкен үміт артатынын айтты. Мемлекет жастарға ұдайы қолдау көрсетіп, олардың жан-жақты дамуына және қабілет-қарымын ұштауға қолайлы жағдай жасайтынын мәлімдеді.

Студенттер мен жас зерттеушілер ғылым және білім саласына жан-жақты қолдау көрсеткені үшін Қасым-Жомарт Тоқаевқа ризашылық білдірді.

Айта кетейік, сапар аясында мемлекет басшысы Бейбітшілік кеңесінің алғашқы отырысына қатысып, бірқатар елдің көшбасшыларымен, сондай-ақ АҚШ-тың ресми тұлғаларымен кездесу өткізеді.

Оқи отырыңыз:

• Тоқаев Жапония премьер-министрі Санаэ Такаичиге құттықтау жеделхатын жолдады
• Тоқаев жаңа мемлекеттік басқару жүйесін құру туралы айтты
• «Қатаң тосқауыл қойылады»: Тоқаев тіл мәселесіне нүкте қойды