Тоқаев ҰҚК басшыларымен кездесті

Президент Қасым-Жомарт Тоқаев Ұлттық қауіпсіздік комитетінің басшыларымен кездесіп, жиын өткізді, деп хабарлайды  Orda.kz. 

Мемлекет басшысының өзі Ұлттық қауіпсіздік комитетіне барып, жедел-техникалық бөлімдердің жұмысын қарап шықты. Президентке киберқауіпсіздікті қамтамасыз ету, жасанды интеллект технологияларын пайдалану мүмкіндіктері, үкіметтік және қызметтік байланысты дамыту жобалары көрсетілді.

Қасым-Жомарт Тоқаев еліміздің маңызды инфрақұрылымының тұрақты жұмыс істеуіне жағдай жасаудың маңызын атап өтті. Сонымен қатар Ұлттық қауіпсіздік комитетінің басшылық құрамына нақты тапсырмалар берді.

Айта кетейік, сәуірде Астанада ҰҚК қызметкерінің мәйіті табылды.