Тоқаев түркі тілінің ауқымды үлгісін жасау қажеттігін айтты

Қазақстан президенті Әзірбайжанда өткен Түркі мемлекеттері ұйымының бейресми саммитіне қатысты, - деп хабарлайды Orda.kz  Ақордаға сілтеме жасап.

Қасым-Жомарт Тоқаев қазіргі уақытта Каспий теңізінің түбімен талшықты-оптикалық кабель тарту жұмыстары жүргізіліп жатқанын атап өтті. Бұл жоба өзара іс-қимылымыздың тиімділігін арттырып, өңірдің әлеуметтік-экономикалық өсуіне жағдай жасайды.

«Жасанды интеллект және спутниктік жүйелер сияқты озық технологиялардың болашағы зор. Біз жасанды интеллект саласында кадрлар даярлауға көбірек көңіл бөлеміз. Орталық Азиядағы IT-стартаптармен айналысатын Astana Hub технопаркін құрдық», - деді Мемлекет басшысы.

Президент бірегей өркениет пен ұлттық тілдерді сақтау мәселесі біздің елдеріміз үшін ерекше маңызды екенін атап өтті. Ол жасанды интеллект арқылы «Түркі тілінің ауқымдды үлгісін» жасауды ұсынды.

Қазақстан Президенті сондай-ақ Каспий мен Арал теңіздерінің экологиялық проблемаларын шешу үшін күш біріктіру қажеттігін де баса айтты.

6 шілдеде Қасым-Жомарт Тоқаев Түркі мемлекеттері ұйымының бейресми саммитіне қатысу үшін Әзірбайжанға жұмыс сапарымен келді. Шушадағы саммит қорытындысы бойынша бірқатар құжаттарға қол қою жоспарлануда.