Тоқаев Түркі мемлекеттері ұйымының саммитіне қатысу үшін Әзірбайжанға барады

Қазақстан Президенті Қасым-Жомарт Тоқаев Әзербайжан Президенті Ильхам Әлиевтің шақыруымен 6–7 қазан күндері Әзірбайжанға ресми сапармен барады, деп хабарлайды Orda.kz Ақорда баспасөз қызметіне сілтеп.

«Мемлекет басшысы Қасым-Жомарт Тоқаев Президент Ильхам Әлиевтің шақыруымен 6–7 қазанда Түркі мемлекеттері ұйымына мүше мемлекеттер басшылары кеңесінің XII саммитіне қатысу үшін Әзірбайжанға сапармен барады» деп жазылған ресми хабарламада. 

Саммит Түркі мемлекеттері ұйымы аясындағы маңызды саяси шара болып саналады. Онда мемлекет басшылары ынтымақтастықтың өзекті бағыттарын, өңірлік және халықаралық мәселелерді талқылайды.

Кеше Digital Bridge 2025 халықаралық форумы алаңында Қасым-Жомарт Тоқаев Telegram мессенджерінің негізін қалаушы Павел Дуровпен кездесті.

 
Одан екі күн бұрын Қасым-Жомарт Тоқаев пен Италия президенті Серджо Маттарелла бірін-бірі орденмен марапаттады.