Тоқаев Түрікменстанда өтетін дамушы елдерге арналған конференцияға қатысады

Мемлекет басшысы Қасым-Жомарт Тоқаев Түрікменстанда өтетін Біріккен Ұлттар Ұйымының үшінші конференциясына қатысады, деп хабарлайды Orda.kz Ақордаға сілтеме жасап.

Айта кетейік, Біріккен Ұлттар Ұйымының конференциялары – жаһандық мәселелерді талқылауға және даму, экология және өзге де маңызды салаларда шешімдер қабылдауға арналған маңызды алаң.

Біріккен Ұлттар Ұйымыны адам құқылары жөніндегі конференциялары — жеке тұлғалардың (адамдардың) құқықтары мен бостандықтары жөніндегі мәселелерді қарайды. Адам құқыларының жалпыға бірдей декларациясы 1948 жылғы 10 желтоқсанда БҰҰ-ның Бас Ассамблеясында бекітілді.

Соңғы жылдардағы әлемде болып жатқан аймақтық соғыстар, табиғи және экологиялық апаттар, нашақорлық, қарақшылық, жұмыссыздық — бәрі қосылып адам факторына  тіреледі. Адам құқыларының жалпыға бірдей декларациясы адамды түріне, тіліне, саяси немесе діни сеніміне, ұлттық немесе әлеуметтік жағдайына, жынысына қарамастан тең құқықты санайды. 

Еске сала кетейік, 3 тамызда Президент Қасым-Жомарт Тоқаевтың шақыруымен Біріккен Ұлттар Ұйымының Бас хатшысы Антониу Гутерриш Қазақстан Республикасына ресми сапармен келеді.

Алматы қаласында Қасым-Жомарт Тоқаев пен Антониу Гутерриш келіссөздер жүргізіп, Орталық Азия мен Ауғанстан бойынша орнықты даму мақсаттарына арналған БҰҰ-ның өңірлік орталығына бірге барады.

Сонымен қатар, Қазақстан Президенті Қасым-Жомарт Тоқаев Қырғызстанға ресми сапармен баруды жоспарлап отыр. Сапардың нақты күні әзірге белгісіз.