Токаев Түрікменстан астанасында Абайға арналған ескерткішті ашады

Қазақстан Президенті ресми сапармен Түрікменстанға келді, деп хабарлайды Orda.kz Ақордаға сілтеме жасап.

Ашхабад әуежайында Қасым-Жомарт Тоқаевты Түрікменстанның бұрынғы басшысы Гурбаноғлы Бердімұxамедов қарсы алды.

Ақорданың хабарлауынша, Тоқаев Түрікменстан басшысы Сердар Бердімұхамедовпен келіссөздер өткізеді. Сондай-ақ сапар барысында Ашхабадта Абай ескерткішінің ашылуы және «Уақыт пен өркениеттер байланысы – бейбітшілік пен дамудың негізі» атты халықаралық форумға қатысу жоспарланған.

Сердар Бердімұхамедов Тоқаевты тамыз айында, Орталық Азия мемлекеттері басшыларының VI Консультативтік кездесуінде шақырған болатын. Сол кезде Қазақстан Президенті қазіргі геосаяси және экономикалық жағдайларда аймақтағы ынтымақтастықтың жоғары қарқынын сақтау аса маңызды екенін атап өткен еді.