Тоқаев Тәжікстанға барады

22-23 тамыз аралығында Қазақстан президенті Қасым-Жомарт Тоқаев Эмомали Рахмонның шақыруымен Тәжікстанға мемлекеттік сапармен барады.

Бұл туралы Ақорда хабарлайды.

Сапар барысында екі елдің үкіметтік делегациялары қатысатын кеңейтілген форматтағы келіссөздер және шағын құрамдағы жоғары деңгейдегі кездесулер өтеді.

Қасым-Жомарт Тоқаев пен Тәжікстан президенті Эмомали Рахмон қазақ-тәжік стратегиялық серіктестігін нығайту жолындағы қазіргі жағдай мен келешегін талқылайды.

Сапар аясында саяси, сауда-экономикалық және мәдени-гуманитарлық салалардағы ынтымақтастықты тереңдетуге бағытталған бірқатар екіжақты құжаттарға қол қою жоспарлануда.