Тоқаев судьялар мен сот алқалары төрағаларын тағайындады

Мемлекет басшысы «Сот алқаларының төрағаларын және судьяларды қызметке тағайындау және қызметтен босату туралы» Жарлыққа қол қойды, деп хабарлайды Orda.kz.

Қазақстан Республикасы Жоғарғы Сотының қылмыстық істер жөніндегі сот алқасының төрағасы болып Қазақстан Республикасы Жоғарғы Сотының судьясы Назгүл Рахметуллина тағайындалды.

Ғалымжан Насырдинов Қазақстан Республикасы Әскери сотының азаматтық істер жөніндегі сот алқасының төрағасы қызметінен босатылып, Қазақстан Республикасы Әскери сотының төрағасы болып тағайындалды.

Түркістан облыстық сотының қылмыстық істер жөніндегі сот алқасының төрағасы қызметінен босатылған Айдос Сұлтанов Түркістан облыстық сотының төрағасы болып тағайындалды.

Ербол Рахымбеков Шымкент қалалық сотының төрағасы қызметінен босатылып, Маңғыстау облыстық сотының төрағасы болып тағайындалды.

Алматы облыстық сотының төрағасы болып Қазақстан Республикасы Жоғарғы Сотының судьясы Талғат Ибрашев тағайындалды.

Әділхан Шайхисламов Астана қалалық сотының қылмыстық істер жөніндегі сот алқасының төрағасы қызметінен босатылып, Шымкент қалалық сотының төрағасы болып тағайындалды.