Тоқаев Стуббты Финляндия президенті лауазымына сайлануымен құттықтады

Қасым-Жомарт Тоқаев Александр Стуббты Финляндия президенті лауазымына сайлануымен құттықтап, жеделхат жолдады.

"Сайлаудағы жеңісіңіз халқыңыздың сізге деген сенімін білдіреді, сондай-ақ сіздің перспективті бағдарламаңыз бен мол саяси тәжірибеңізді қолдайтынын көрсетеді. Финляндия өзіңіздің басшылығыңызбен қарқынды дамуын жалғастырып, өркендей беретініне сенімдімін. Біз Финляндиямен арадағы достыққа және өзара құрметке негізделген берік қарым-қатынасты жоғары бағалаймыз" делінген жеделхатта. 

Бұған қоса, Тоқаев екі елдің игілігі жолындағы ұзақмерзімді ынтымақтастықты одан әрі нығайтып, екіжақты ықпалдастықтың әлеуетін пайдалану үшін сізбен және фин үкіметімен тығыз байланыс жасайтынына сенім білдірді.