Тоқаев Солтүстік Қазақстанға келді

Мемлекет басшысы Қасым-Жомарт Тоқаев Солтүстік Қазақстан облысына келді. Мемлекет басшысының жұмыс сапары Қызылжар ауданы, Петропавл қаласының іргесі, сондай-ақ Сергеев су қоймасының үстінен ұшудан басталды.

Бұл туралы Ақорда хабарлайды.

Облыс әкімі Ғауез Нұрмұхамбетов президентке су тасқыны Қызылжар, Есіл, Шал ақын аудандары мен Петропавл қаласы арқылы өтіп жатқанын баяндады.

Алты ауданда төтенше жағдай жарияланды. Бүгінгі таңда 20 мыңнан астам тұрғын үйді су басып, 10 345 адам қауіпсіз жерге көшірілді.

Сондай-ақ су тасқынына қарсы іс-шараларға барлығы 5270 адам мен 906 техника жұмылдырылғаны айтылды.

«Тіршілікті қамтамасыз ететін инфрақұрылымды қалпына келтіру бойынша жұмыс жүргізілуде» делінген қорытындыда.

Қасым-Жомарт Тоқаев Батыс Қазақстан облысына іссапармен барды. Одан кейін су басқан аймақтардың үстінен де ұшып өтті.