Тоқаев шахматтан әлем чемпионаты жеңімпазын құттықтады

Қазақстан Президенті Қасым-Жомарт Тоқаев шахматтан жастар арасындағы әлем чемпионатының жеңімпазы Қазыбек Нөгербекті құттықтады, деп хабарлайды Ақорданың баспасөз қызметі.

Мемлекет басшысы Қасым-Жомарт Тоқаев Үндістанның Гандинагар қаласында өткен жарыста әлем чемпионы атанған Қазыбек Нөгербекке құттықтау жеделхатын жолдады.

«Еліміздің намысы үшін қиын күресте чемпиондық атағын жеңіп алу және үздік шахматшы ретінде гроссмейстер атағын алу – ерекше жетістік. Сіздей өнерлі, білімді жастардың халқымыздың абыройын асқақтатып жатқаны қуантады. Жаңа жарқын жеңістер мен алға қойған мақсаттарыңыздың жүзеге асуын тілеймін» делінген жеделхатта.