Тоқаев шахматшы Айару Алтынбекпен кездесті

Хат жазған шахматтан екі дүркін әлем чемпионы  президент Тоқаевпен кездесті

Бұл туралы Ақорда хабарлайды.

«Құрметті Президент, менің арманым сізбен кездесіп, қолтаңбаңызды алу. Бұл мен үшін үлкен бақыт!» деп жазды ол.

5 маусымда Қасым-Жомарт Тоқаев елордадағы әлеуметтік нысандар жұмысымен танысу аясында Астанадағы отбасылық спорт орталығында болды. Мемлекет басшысы спорт залдарын, шығармашылық үйірмелер мен оқу кабинеттерін аралап көрді.

«Осында шеберлік сабағын өткізіп жатқан шахматтан екі дүркін әлем чемпионы Айару Алтынбекке президент сыйлық беріп, жаңа жеңістерге жетуіне тілектестігін білдірді. Айарудың арманы орындалды» делінген Ақорданың хабарламасында.