Тоқаев Сауд Арабиясы королін құттықтады

Мемлекет басшысы Қасым-Жомарт Тоқаев Сауд Арабиясының короліне құттықтау жеделхатын жолдады.

Бұл туралы Ақорда хабарлады.

Мемлекет басшысы Қос қасиетті мешіттің қамқоршысы король Салман бен Абдулазиз Әл Саудты Қазақстан мен Сауд Арабиясы корольдігі арасындағы дипломатиялық қарым-қатынастардың орнағанына 30 жыл толуымен құттықтады.

«Қысқа уақыт ішінде дәстүрлі достыққа негізделген ынтымақтастығымыздың қарқынды дамуы бүгінде корольдік Қазақстанның негізгі саяси серіктестерінің бірі болатынын қанағаттанарлықпен атап өткім келеді Таяу Шығыс аймағында ғана емес, сонымен қатар біздің елдеріміз жаһандық және аймақтық деңгейде өзара әрекеттесуде. Мен Қазақстан мен Сауд Арабиясы арасындағы ынтымақтастық алдағы уақытта да дами беретініне сенімдімін халықтарымыздың игілігі үшін жан-жақты қарым-қатынастарды одан әрі тереңдету үшін Сіздермен бірлесіп жұмыс істеуге дайынмын» делінген жеделхатта.

Қасым-Жомарт Тоқаев Сауд Арабиясының короліне бақ-береке мен ұзақ ғұмыр, ал бауырлас Сауд Арабия халқына бақыт пен гүлдену тіледі.