Тоқаев Саясат Нұрбекті қабылдады

Мемлекет басшысы Қасым-Жомарт Тоқаев ғылым және жоғары білім министрі Саясат Нұрбекті қабылдады.

Бұл туралы Ақорда хабарлады.

Министр жоғары білім мен ғылымды дамыту бастамаларын ұсынды. Саясат Нұрбек Тоқаевқа келесілерді баяндады:

• Елімізде шетел университеттерінің 25 филиалы ашылды.
• Шетелдік әріптестермен аймақтық университеттерді халықаралық деңгейдегі зерттеу университеттеріне айналдыру жөнінде келісімдер жасалды.
• Оқушыларды қолдаудың жаңа қаржы құралдары енгізілді: «Келешек» жүйесі, «Балаларға арналған ұлттық қор» бағдарламасы, жеңілдікті білім беру несиелері және сараланған гранттар.

Нұрбек президентке жасанды интеллектті дамыту жөніндегі тапсырмасының орындалу барысы туралы да баяндады:

• 8 университетте 15 бағдарлама бойынша 2 мыңнан астам студент білім алуда.
• Google, Nvidia, Coursera, 01 Edu System және Huawei компанияларымен ынтымақтастық орнатылды.
• «Болашақ» бағдарламасы бойынша жыл сайын жасанды интеллект мамандарын даярлауға 100 шәкіртақы бөлінеді.

Президент Тоқаев жоғары оқу орындарының инфрақұрылымын дамытуды, оның ішінде жатақханалар салуды жалғастыруды тапсырды.