Тоқаев Путинді Астанаға шақырды

Мемлекет басшысы Қасым-Жомарт Тоқаев Ресей президенті Владимир Путинмен телефон арқылы сөйлесті.

Бұл туралы ТАСС хабарлады.

Қос президент Қазақстан-Ресей ынтымақтастығының қазіргі жай-күйін талқылады. Атап айтар болсақ, сауда-экономика және энергетика салаларындағы бұған дейінгі жоғары деңгейде қол жеткізілген келісімдерді толықтай жүзеге асыру қажет екенін атап өтті.

Сондай-ақ, Владимир Путиннің Астанаға жоспарланған мемлекеттік сапарына дайындықтың сапалы болуын қамтамасыз етуге келісті. Сонымен қатар, Қасым-Жомарт Тоқаев Қазан қаласында өтетін БРИКС саммитіне қатысуға шақырғаны үшін Ресей президентіне ризашылығын білдірді.