Тоқаев пен Гутерриш БҰҰ-ның Алматыдағы өңірлік орталығында болды

Қазақстан Президенті Қасым-Жомарт Тоқаев пен Біріккен Ұлттар Ұйымының бас хатшысы Антониу Гутерриш БҰҰ-ның Алматыдағы өңірлік орталығында болды, деп хабарлады Ақорданың баспасөз қызметіне сілтеп Orda.kz.        

«Президент Қасым-Жомарт Тоқаев пен Бас хатшы Антониу Гутерриш БҰҰ-ның Алматыдағы өңірлік орталығында болды. Мемлекет басшысы мен БҰҰ бас хатшысы Қазақстан үкіметі мен БҰҰ арасындағы Орталық Азия мен Ауғанстан үшін орнықты даму саласындағы мақсаттар жөніндегі БҰҰ өңірлік орталығын құру туралы келісімге қол қою рәсіміне қатысты» деп жазылған хабарламада. 

Естеріңізге сала кетейік, БҰҰ Бас хатшысы Президент Қасым-Жомарт Тоқаевтың шақыруымен Қазақстанға сапармен келді. БҰҰ баспасөз қызметінің мәліметінше, оны әуежайда Қазақстан вице-премьері - сыртқы істер министрі Мұрат Нұртілеу, Алматы қаласының әкімі Дархан Сатыбалды, Қазақстанның БҰҰ жанындағы тұрақты өкілі Қайрат Омаров, БҰҰ-ның Қазақстандағы тұрақты үйлестірушісі Саранго Раднарагча қарсы алды.

Биылғы жылдың наурыз айында Токаев Антониу Гутерришпен телефон арқылы сөйлесті. Әңгімелесу барысында Қазақстан мен БҰҰ арасындағы ынтымақтастықтың өзекті мәселелері қаралды.

Сол кезде Қазақстан Президенті БҰҰ Бас ассамблеясының Алматыда Орталық Азия мен Ауғанстан үшін орнықты даму мақсаттары жөніндегі өңірлік орталық құру туралы бірауыздан қабылдаған қарарының маңыздылығын атап өтті. Сұхбаттасушылар өңірлік орталықты институционалдандыру бойынша алдағы қадамдарды талқылады.

Бас хатшы Антониу Гутерриш Қазақстанның бітімгершілік күш-жігерін және оның жаһандық қауіпсіздік пен тұрақты дамуға қосқан үлесін жоғары бағалады.