Тоқаев Мирзиёевтің қызымен тығыз байланыстар туралы сөйлесті

Қасым-Жомарт Тоқаев Өзбекстан президенті Шавкат Мирзиёевтің көмекшісі әрі қызы Саида Мирзиёевамен кездесті.

Бұл туралы Ақорда хабарлайды.

Олар Қазақстан мен Өзбекстан арасындағы әріптестік мәселелерін талқылап, саяси диалогты нығайту үшін әкімшіліктер арасындағы тығыз байланыстардың маңыздылығын атап өтті. Сондай-ақ түрлі салалардағы, оның ішінде жастар саясаты саласындағы ынтымақтастық талқыланды. Тоқаев Астанада «Заковат» зияткерлік ойындарын өткізуді қолдады.