Тоқаев Мемлекеттік Туды көтеру рәсіміне қатысты

Мемлекет басшысы Қасым-Жомарт Тоқаев Республика күніне арналған Мемлекеттік Туды көтеру рәсіміне қатысты. Оқиға Ақорда резиденциясының алдында өтті, деп хабарлайды Orda.kz.

Құрмет қарауыл ротасының басшысы Президентке есеп берді. Одан кейін Қазақстанның Мемлекеттік Туы көтеріліп, Әнұраны шырқалды.

Салтанатты шара Ұлттық мереке – Республика күнін мерекелеудің ресми ашып берді. Мемлекеттік Туды көтеру рәсімі еліміздің барлық өңірлерінде өтеді, деп хабарлады Ақорданың баспасөз қызметі.

Бұған дейін Мемлекет басшысы Қазақстан халқын құттықтап, Республика күні – халқымыздың сан ғасырлық арманы – Тәуелсіздіктің айбынды белгісі екенін атап өтті.