Тоқаев лаңкестік әрекеттерге байланысты Путинге көңіл айтты

Қасым-Жомарт Тоқаев Ресей президенті Владимир Путинге Дағыстандағы терактіге байланысты  көңіл айтты, деп хабарлайды Orda.kz.

Дербент пен Махачкалада екі православ шіркеуі, синагога мен жол полициясы бекетіне шабуыл жасалды. Дербенттегі шіркеуге жасалған шабуыл кезінде діни қызметкер қаза тапты.

Тоқаев құқық қорғау органдары арқылы жедел-іздестіру шараларын жүргізуге көмектесуді ұсынды.

«Қазақстан бұл адамгершілікке жатпайтын әрекетті үзілді-кесілді айыптайды және БҰҰ, ШЫҰ және басқа да беделді халықаралық ұйымдар аясында терроризмге қарсы күресте көпжақты ынтымақтастықты дамытуды жақтайды», - деді Мемлекет басшысы.

Дағыстан басшысы Сергей Меликов 24, 25 және 26 маусым күндері елде қаралы күн деп жарияланғанын хабарлады.