Тоқаев Қырғызстан Президенті Садыр Жапаровты Тәуелсіздік күнімен құттықтады

Мемлекет басшысы Қырғызстан Президентіне құттықтау жеделхатын жолдады, деп хабарлайды Orda.kz Ақорданың баспасөз қызметіне сілтеме жасап.

«Қасым-Жомарт Тоқаев Садыр Жапаровты және Қырғызстан халқын Тәуелсіздік күнімен құттықтады. Құттықтау хатында Мемлекет басшысы егеменді Қырғыз Республикасының тарихындағы бұл атаулы күн мемлекеттіліктің одан әрі нығаюы мен ілгерілеуінің мызғымас негізі екенін атап өтті. Ол сондай-ақ стратегиялық серіктестік пен одақтастық рухына толық сәйкес келетін қазақ-қырғыз ынтымақтастығын дамытуды жоғары бағалады» делінген хабарламада.

Қазақстан Президенті Қырғызстан басшысына жауапты мемлекеттік қызметінде одан әрі табыс, ал бауырлас Қырғыз халқына амандық пен гүлдену тіледі.

Қырғыз елі  бұл күнді мерекелік шаралармен атап өтеді. Ел астанасы Бішкек қаласының «Ала-Тоо» алаңында концерт өтеді, онда Стас Михайлов пен Филипп Киркоров тағы басқалар өнер көрсетпекші.  Бұл жоспар әлеуметтік желідегі кейбір қоғам қайраткерлерінің наразылығын тудырып та жатыр. Дегенмен, Z-артистер деп аталатын өнерпаздардың қойылымы халықтың наразылығына қарамастан  болатын болды.