Тоқаев құрылысшыларды марапаттау туралы жарлыққа қол қойды

Мемлекет басшысы Қасым-Жомарт Тоқаев Құрылысшылар күні қарсаңында құрылыс саласы қызметкерлерін марапаттау туралы жарлыққа қол қойды, деп хабарлайды Ақорданың баспасөз қызметі.

Мемлекет басшысының Жарлығымен отандық құрылыс саласындағы жемісті еңбегі және елдің инфрақұрылымын дамытуға қосқан үлесі үшін бір топ сала қызметкері мемлекеттік наградалармен марапатталды.

Төрт адам «Парасат» және «Құрмет» ордендерінің иегері атанды – 36 құрылысшы, 40 жұмысшы 3-дәрежелі «Еңбек даңқы» орденімен, 72 құрылысшы «Ерен еңбегі үшін» медалімен марапатталды.