Тоқаев Куба президентіне құттықтау жеделхатын жолдады

Мемлекет басшысы Қасым-Жомарт Тоқаев Куба Президенті Мигель Марио Диас-Канел Бермудеске құттықтау жеделхатын жолдады, деп хабарлайды Orda.kz

Қасым-Жомарт Тоқаев Президент пен Куба халқын ұлттық мереке – Революция жеңісі күнімен құттықтады.

«Қазақстан Президенті бірлескен күш-жігердің арқасында екі ел арасындағы дәстүрлі достық пен сенім рухында дамып келе жатқан ынтымақтастықтың тұрақты нығая түсетініне сенім білдірді» делінген хабарламада.

Қасым-Жомарт Тоқаев Мигель Марио Диас-Канел Бермудеске жауапты қызметінде табыс, ал Куба халқына амандық пен гүлдену тіледі.