Тоқаев Кирсти Ковентрині Халықаралық олимпиада комитетінің президенті болып сайлануымен құттықтады

Қасым-Жомарт Тоқаев Кирсти Ковентриге тиісті жеделхат жолдап, Зимбабве өкілінің спорттық жетістіктерін және оның мемлекеттік қызметтегі бай тәжірибесін атап өтті, деп хабарлайды Orda.kz Ақордаға сілтеме жасай отырып.

Қазақстан Президенті оған әлемдік олимпиадалық қозғалыстың дамуы жолындағы алдағы жұмыстарына табыс тіледі.

41 жасар Кирсти Ковентри Грецияда өткен ХОК 144-ші сессиясында ХОК-тің оныншы президенті болып сайланды. Ол 2025 жылғы 23 маусымда, қазіргі президент Томас Бах өкілеттігін бергеннен кейін қызметіне кіріседі.

Ковентри ХОК президенті ретінде Африканың  бірінші әйел және бірінші өкілі болады.