Тоқаев кешірім жасау мәселелері жөніндегі комиссияның құрамын өзгертті

Қасым-Жомарт Тоқаев Қазақстан президенті жанындағы кешірім жасау мәселелері жөніндегі комиссияның құрамын өзгертті.

2024 жылғы 2 шілдеде президент жарлығымен сенатор Андрей Лукин мен заңгер Төлеш Қаудыровтың орнына Жанна Асанова мен Индира Әубәкірова тағайындалды.

Комиссияның қәзіргі құрамы:

• Марат Бәшімов (Мәжіліс депутаты)
• Ержан Жиенбаев (Президенттің құқықтық мәселелер жөніндегі көмекшісі, төрағаның орынбасары)
  Артур Ластаев (Адам құқықтары жөніндегі уәкіл)
• Әсет Шындалиев (Бас прокурордың орынбасары)
• Тенижан Жәнібеков (Қазақстан ішкі істер министрлігі ҚАЖК төрағасы)
• Жеміс Тұрмағамбетова (Адам құқықтары жөніндегі Хартия қорының атқарушы директоры)
• Исидор Борчашвили (заң ғылымдарының докторы, Астана халықаралық университетінің профессоры)
• Жанна Асанова (Сенат депутаты)
• Индира Әубәкірова (заң ғылымдарының докторы)

Жақында комиссия мемлекетке опасыздық жасады деп сотталған Ұлттық қауіпсіздік комитетінің бұрынғы төрағасы Кәрім Мәсімовке рақымшылық жасаудан бас тартты.