Тоқаев қазақстандықтарды Медицина қызметкерлері күнімен құттықтады

Мемлекет басшысы медицина қызметкерлерінің адал еңбегі үшін ризашылығын білдірді, деп хабарлайды Orda.kz. 

«Құрметті дәрігерлер, денсаулық сақтау қызметкерлері!
Сіздерді кәсіби мерекелеріңізбен құттықтаймыз!
Сіздер күн сайын азаматтардың денсаулығына қамқорлық жасап, адамдардың өмірін риясыз құтқарып, жауапты да игі миссия атқарып келесіздер.
Сіздердің тынымсыз еңбектеріңіз жоғары баға мен құрметке лайық. Жуырда медицина қызметкерлерінің мәртебесін нығайтуға және құқықтарын жан-жақты қорғауға бағытталған заң қабылданды. Алғаш рет «Қазақстанның еңбек сіңірген дәрігері» құрметті атағы тағайындалды, ол елге сіңірген ерен еңбегі үшін беріледі.
«Адал Азамат» тұжырымдамасының мұраттары мен құндылықтарын дәйекті түрде ұстана отырып, сіздер нағыз кәсібилік пен дәрігерлік борышқа риясыз адалдықтың үлгісін көрсетесіздер.
Қоғам игілігі жолындағы тынымсыз қызметтеріңіз үшін шын жүректен алғыс айтамын!
Баршаңызға зор денсаулық, бақыт және жаңа жетістіктер тілеймін!»