Тоқаев Қазақстан халқына үндеу жасады

Президент Қасым-Жомарт Тоқаев маңызды үндеу жасады. Ол қолайсыз ауа-райында адамдарды құтқарған қазақстандықтарға алғысын білдірді.

Сонымен қатар, мемлекет басшысы ерекше көзге түскендерді марапатқа ұсынуға уәде берді.

«Жуырда еліміздің бірқатар өңірінде табиғат тосын мінез танытып, жағдай қиындаған кезде жергілікті атқарушы биліктің, Төтенше жағдайлар министрлігінің және құқық қорғау органдарының қызметкерлері, медицина мамандары, коммуналдық қызмет пен автомобиль жолдарының жұмысын қамтамасыз ету саласының өкілдері, сондай-ақ басқа да азаматтар халықтың қамы үшін жанқиярлықпен еңбек етті» делінген хабарламада.

Тоқаев өз атынан оларға шын жүректен ризашылығын білдіріп, амандық тіледі.

«Еңбек сіңірген азаматтардың біразы мемлекеттік наградаларға ұсынылды» делінген қорытындыда.

Өткен аптадан бері елде қолайсыз ауа райы сақталып келеді.