Тоқаев Қазақстан халқын Амал мерекесімен құттықтады

Президент Тоқаев Қазақстан халқын Амал мерекесімен құттықтады.

Ел президенті бұл күні ұлттық құндылықтар мен бірегейлік бірінші орынға шығатынын атап өтті.

«Әз-Наурыздың бастауы – Амал күні құтты болсын! Бұл – халқымыздың ежелгі әдет-ғұрпын жаңғыртып, төл мәдениетіміздің ажырамас бөлігіне айналған бірегей дәстүріміз. Осы күні ұлттық болмысымыз бен құндылықтарымыз ерекше дәріптеледі. Ел ырысы көбейе берсін! Жыл жақсылығымен келсін!» деп жазды Қасым-Жомарт Тоқаев  әлеуметтік желідегі парақшасында.

14 наурызда қазақстандықтар дәстүрлі түрде Амал мерекесін тойлайды. Бұл күні бір-бірін көктемнің келуімен құттықтап, ізгі тілектер айту әдетке айналған.