Тоқаев Эммануэль Макронға көңіл айту жеделхатын жолдады

Тоқаев Франция президенті Эммануэль Макронға Майотта архипелагындағы жойқын тайфун салдарынан көптеген адамның қаза табуына байланысты көңіл айту жеделхатын жолдады, деп хабарлайды Orda.kz.

Президент қайтыс болған азаматтардың жақын-жуықтарына олардың қайғысына ортақтаса көңіл айтып, зардап шеккен адамдардың тезірек сауығып кетуіне тілектестік білдірді.

14 желтоқсанға қараған түні Үнді Мұхитындағы Француз Майотта архипелагы соңғы 90 жылдағы ең күшті «Шидо» дауылына  ұшырады. Құрбандардың нақты саны әлі белгісіз. Аймақ префектісі өлім саны жүздеген, тіпті мыңдаған адамдарға жетуі мүмкін деп мәлімдеді.

Францияның Ішкі істер министрлігі барлық құрбандарды санау қиын болатынын хабарлады. Ислам дәстүрлерін қатаң сақтайтын Майотта тұрғындары қайтыс болғандарды 24 сағат ішінде жерлейді. Франциядан аралға дәрі-дәрмектер, гуманитарлық көмек, әскери және құтқарушылар жіберілді