Тоқаев Иран президентінің қайтыс болуына байланысты көңіл айтты

Қазақстан президенті Қасым-Жомарт Тоқаев Иран президенті Ибрагим Раисидің қайтыс болуына байланысты көңіл айтты.

Бұл туралы Ақорда хабарлайды.

«Мен Иран Ислам Республикасының Президенті Ибрахим Раиси мен оның адал серіктерінің қайтыс болғаны туралы хабарға қатты қайғырдым. Ибраһим Раиси – өмір бойы Иран мемлекетінің мүддесіне қызмет ету, халқының әл-ауқатын жақсарту және аймақтағы тұрақтылықты сақтау жолында аянбай еңбек еткен көрнекті мемлекет қайраткері. Өздеріңіз білесіздер, оның бастамалары мен жетістіктері халықаралық қауымдастық тарапынан жоғары бағаланды. Қазақстанда Ибрагим Раиси жауапты басшы, халықаралық деңгейдегі беделді саясаткер, екіжақты ынтымақтастықты нығайтуға елеулі үлес қосқан тұлға ретінде әрқашан есте қалады» делінген жеделхатта.

Тоқаев Иран Ислам Республикасының Жоғарғы Көшбасшысы Әли Хаменеиге, бірінші вице-президент Мохаммад Мохберге және бүкіл Иран халқына президенттің қайтыс болуына байланысты көңіл айтты.

Естеріңізге сала кетейік, Иран президенті мен оның командасы Әзірбайжанмен ортақ шекарада бөгет ашылғаннан кейін Иранның солтүстік-батысындағы Шығыс Әзірбайжан провинциясындағы Хода Афарин аймағынан қайтып келе жатқанда тікұшақ апатынан қайтыс болды.