Тоқаев Геннадий Головкинмен кездесті

Қазақстан Президенті Қасым-Жомарт Тоқаев Ұлттық олимпиада комитетінің төрағасы Геннадий Головкинмен кездесу өткізді, деп хабарлайды Orda.kz.

Кездесу барысында спорттық инфрақұрылымды жақсарту, еліміздің спортшыларын дайындау және халықаралық аренадағы ел беделін арттыру шаралары талқыланды.

«Геннадий Головкин спорт инфрақұрылымын жақсарту, қазақстандық спортшыларды тыңғылықты даярлау, еліміздің халықаралық аренадағы беделін көтеру жөнінде салалық министрлікпен бірге қабылданған шаралар туралы айтты. Қасым-Жомарт Тоқаев ҰОК алдында олимпиадалық спорт түрлерін ілгерілету мен күшейту бойынша маңызды міндеттер тұрғанын атап өтті. Президенттің айтуынша, құрама командаларымыздың әлемдік бәсекелердегі нәтижелерін арттыра түсу қажет»,  деп хабарлады Ақорда баспасөз қызметі. 

Мемлекет басшысы Головкинді Халықаралық бокс федерациясының (World Boxing) Олимпиадалық комиссия төрағасы болып тағайындалуымен құттықтап, бұл жетістіктің Қазақстан спорты үшін маңыздылығын ерекше атап өтті.