Тоқаев Франция елшісін қабылдады

Қасым-Жомарт Тоқаев жаңа тағайындалған Франция елшісі Сильван Гиогені қабылдады, деп хабарлайды Orda.kz

Тоқаев Сильван Гиогемен алдағы мемлекеттік сапарының негізгі бағыттарын талқылады. Президент бұл сапар Астана мен Париж арасындағы байланыстарды нығайтып, қазақ-француз стратегиялық серіктестігін жаңа деңгейге көтеретініне сенім білдірді.

Сонымен қатар, мемлекет басшысы Франциядан бөлек тағы да бірқатар мемлекеттің елшілерін жаңа лауазымдарымен құттықтап, сенім грамотасын қабылдады.

Еске сала кетейік, Тоқаев  Эммануэль Макронның шақыруымен 4-5 қараша күндері Франция Республикасына мемлекеттік сапармен барады.