Тоқаев елшілерді ауыстырды

Қазақстан президенті Қасым-Жомарт Тоқаев жаңа елшілерді тағайындады.

Бұл туралы Ақорла хабарлайды.

Мадияр Меңілбеков Сауд Арабиясындағы елші және Қазақстанның Ислам Ынтымақтастығы Ұйымындағы тұрақты өкілі болды. Ол бұған дейін БАӘ-де жұмыс істеген.

Нәжмедин Мұхаметәліұлы қазір Біріккен Араб Әмірліктеріндегі елші. Бұған дейін Оманда жұмыс істеді.

Айдарбек Тұматов Оманға барады. Ол бұған дейін Иордания, Ирак және Палестинада штаттан тыс елші қызметін атқарған.

Қытайдағы елшісі Шахрат Нұрышев енді Корей Халық Демократиялық Республикасында (Солтүстік Корея) Қазақстан атынан өкілдік етеді.