Тоқаев Доха форумы конференциясының ашылу салтанатының құрметті қонағы

Конференция «Диалог, дипломатия және әртүрлілік» ұранымен өтуде.

Қазақстан Президенті Қасым-Жомарт Тоқаев Доха форумының ашылу салтанатына құрметті қонақ ретінде қатысты, деп хабарлайды Ақорда.

2003 жылдан бері өткізіліп келе жатқан халықаралық шара биыл «Диалог, дипломатия және әртараптық» (Diplomacy, Dialogue and Diversity) ұранымен өтуде.

Катар астанасында өтетін шарада геосаясат, экономикалық даму, жаңа технологиялар, жасанды интеллект, энергетика және азық-түлік қауіпсіздігінің өзекті мәселелері талқыланады. Сондай-ақ қордаланған мәселелерді шешу жөнінде пікір алмасу болады.