Тоқаев Димаш Құдайбергенге тазы күшігін сыйлады

Қазақстан президенті Қасым-Жомарт Тоқаев қазақстандық әнші Димаш Құдайбергенге қазақтың ұлттық тазысының күшігін сыйға тартты.

«Достар, таныс болыңдар, бұл менің жаңа досым. Қасым-Жомарт Кемелұлы маған табиғаттың осы бір кереметі – Тазы күшігін сыйлады. Олар халқымыз үшін ата-бабамыздан қалған «Жеті қазынаның» бірі – құндылық» деп жазды Құдайберген.

Ол бүгінде Қазақстанда тазының сақталуына және оның халықаралық деңгейде танылуына баса мән беріліп жатқанына қуанышты екенін жеткізді.

«Себебі бұл қазақ тұқымы табиғи сұлулығымен, ұстамдылығымен және менің ойымша, өте ақылдылығымен ерекшеленеді. Біздің ата-бабаларымыз оны құрметтеп, жақсы көрген. Бұл ит киіз үйге емін-еркін кіре алды, бұл оның тазалығын білдіреді. «Тази» атауы парсы тілінен шыққан және «жылдам», «епті» дегенді білдіреді. Осындай баға жетпес сыйлық үшін президентімізге алғыс айтамын! Біз оны «Ғарышкер» деп атадық» деп қосты Құдайберген.