Тоқаев Бишімбаев ісі бойынша тергеуді ерекше бақылауда ұстауды тапсырды

Президент Қасым-Жомарт Тоқаев ішкі істер министрі Ержан Сәденовпен, бас прокурор Берік Асыловпен, жоғарғы сот төрағасы Асламбек Мерғалиевпен, сондай-ақ басқа да салалық ведомстволардың басшыларымен кездесіп, консультациялар өткізді.
Бұл туралы Ақорда хабарлайды.
Мемлекет басшысы заңның сақталуына, азаматтардың құқықтық санасы мен құқықтық мәдениетінің деңгейін арттыруға қатысты мәселелерге баса мән берді.
Қасым-Жомарт Тоқаевтың пікірінше, Заң мен Тәртіп қағидаты Қазақстан қоғамының идеологиялық және саяси темірқазығына айналуға тиіс. Қазіргі қалыптасқан жағдай көшедегі мәдениетсіздіктен бастап төбелес, ұрлық, кісі өлтіруге дейінгі құқықбұзушылықтың барлық түріне ымырасыз қарсы тұруды талап етеді.
Президент осындай келеңсіздіктермен тұтас қоғам болып күресу керек деп санайды.
Елімізде тұрмыстық зорлық-зомбылық, вандализм, дөрекілік және бұзақылық сияқты Заң мен Тәртіп бұзушылықтың кез келген түріне мүлде төзбейтін әрі оны қатаң айыптайтын жағдай қалыптастыру қажет. Әйелдер мен балаларға зорлық-зомбылық көрсету фактілерінің батыл түрде жолын кесу керек.
Қасым-Жомарт Тоқаев ішкі істер министрлігіне BAU мейрамханасында экс-министр Қуандық Бишімбаевтың жұбайын өлтіргеніне қатысты резонанс тудырған оқиғаны ерекше бақылауға алуды тапсырды.
«Заң бәріне бірдей. Азаматтарымыз заңды нығайту жолында жұдырықтай жұмылса ғана қоғамда әділдік орнайды. Әділетті Қазақстан – Заң мен Тәртіп үстемдік құратын ел» деді президент.
Естеріңізге сала кетейік, Мемлекет басшысы Республика күні қарсаңында өткен жиында сөйлеген сөзінде Әділетті Қазақстанды құру үшін құқықтық мәдениетті дамыту қажет деген болатын.
«Заңсыздық, тәртіпсіздік, мәдениетсіздік елді жарға жығады. Мұндай жағымсыз үрдіске бүкіл қоғам болып қарсы тұруымыз керек. Ал тәртіпке бағынған қоғам өркениетті болады. Бұл – заңдылық. Әр азамат еліміздің заңын құрметтесе, береке-бірлік те, бақуатты тұрмыс та болады»,- деді Қасым-Жомарт Тоқаев.
Президент кездесулер мен консультациялар барысында қоғамда әділдік пен тәртіп орнату үшін құқық қорғау органдары мен сот инстанциялары қызметкерлеріне айрықша жауапкершілік жүктелетінін атап өтті.
Жаңалықтар
- Таразда 32 жастағы ер адам өзіне от қойып, көз жұмды
- Жөндеу ме, жауапсыздық па?: Ақан серінің мазарына ауыр техника кіріп, зираттарды басып өтті
- Тоқаев Трампты Газа секторындағы бейбітшілікке қол жеткізгені үшін құттықтады
- Алматы әкімдігінде 4 баланың анасы өзін-өзі өртемек болды
- «Құтқарыңдаршы»: Қытайда ұсталған қазақстандықтың ісі үшін адвокаттар 7 млн талап етті
- Талғардағы қанды оқиға: кісі өлтіру мен бала ұрлауға қатысты күдіктіге 12 бап бойынша айып тағылды
- Садыр Жапаровтың күйеу баласы болудан қағылған жігіт түрмеден шықты
- ХАМАС екі жыл бұрын тұтқындап, кепілге алған адамдарын босатты
- Шерзаттың ісіндегі екі қыз куәгер ретінде қалды — Сәденов
- Перизат Қайраттың түрмеде қандай жұмыс істей алатыны белгілі болды
- Өзбекстан президентінің жоғалған мысығы аман-есен табылды
- Трамп Израильге ұшып барды
- «Өз ойыныммен дәлелдеймін»: Дінмұхамед Қашкен сыни пікірге жауап қатты
- Алматы қаласында бір топ ер адам 18 жастағы жігітті аяусыз соққыға жықты
- ҚБТУ кімдікі? Динара Құлыбаева тарихи ғимаратқа қатысты мәселеде мемлекетті өз ыңғайына көндірді
- 15 жастағы «Ақтөбе» футболшысы Арон Мұса газға тұншығып қайтыс болды
- Тоқаев сыртқы істер министрінің бірінші орынбасарын тағайындады
- Qazaq Air ұшқыштары жалақыны көтеріп, жұмыс жағдайларын қайта қарауды талап етті
- «Таза Қазақстан» акциясы кезінде барлығы ағаш отырғызып жатқанда Тараз билігі ағаш кесіп ерекшеленді
- Иран МАГАТЭ-мен ынтымақтастықты тоқтатты