Тоқаев Бектеновті тағайындау туралы жарлыққа қол қойды

Президент Қасым-Жомарт Тоқаев Олжас Бектеновті премьер-министр етіп тағайындау туралы жарлыққа қол қойды.

«Олжас Абайұлы Бектенов Қазақстан Республикасының премьер-министрі болып тағайындалсын, ол бұрынғы атқарған лауазымынан босатылсын» делінген құжатта.

Тоқаев бұған дейін премьер-министр лауазымына не себепті Бектеновтің кандидатурасы таңдалғанын түсіндірген еді.

«Бұл кандидатураны әуелі Amanat партиясы ұсынды. Мен бұл ұсыныспен келістім. Олжас Бектенов – тәжірибелі мемлекеттік қызметші. Оның Қазақстан экономикасы және басқа да салалар бойынша білімі мол. Ұйымдастыру қабілеті жоғары. Өзі тәртіпті, адал, еңбекқор азамат. Сондықтан ел экономикасының алдында тұрған мақсаттарды жүзеге асыруға қабілеті жетеді деп ойлаймын» , - деді Тоқаев.

«Ақ жол», Respublica, «Ауыл» партиялары президенттің ұсынысын қолдаса, ал Қазақстан Халық партиясы мен Қазақстанның Жалпыұлттық социал-демократиялық партиясы дауыс беруден қалыс қалды.