Тоқаев Әзірбайжанның Физули қаласына барды

Қасым-Жомарт Тоқаев Әзірбайжанға мемлекеттік сапары аясында Физули қаласына барды. 

Ақорданың хабарлауынша, Тоқаевты Физули қаласының әуежайында Әзірбайжан президенті Ильхам Әлиев қарсы алды. 

Мұнда президенттер Құрманғазы атындағы балалар шығармашылығы орталығының ашылу салтанатына қатысады. Сондай-ақ жергілікті халықпен кездесіп, алдағы уақытта салынатын Физули қалалық орталық ауруханасының жобасымен танысады.

Бұдан кейін екі ел басшылары Шуша қаласындағы әлеуметтік-мәдени және басқа да нысандарды аралап көреді.