Тоқаев Ассамблея төрағасының орынбасарларын қызметтен босатты

Мемлекет басшысы Қасым-Жомарт Тоқаев Қазақстан халық Ассамблеясының төраға орынбасарлары Лумар Буларов пен Юрий Шинді орнынан босатты, деп хабарлайды Orda.kz.

Президент бұл тұлғалардың лауазымына Расул Ахметов  пен Дмитрий Останьковичті тағайындады.

«Мемлекет басшысының өкімдерімен Расул Ахметов пен Дмитрий Останькович Қазақстан халқы Ассамблеясы Төрағасының орынбасарлығына тағайындалды»,  деп мәлімдеді Ақорда. 

Айта кетейік, бұған дейін мемлекет басшысы Қазақстан Республикасы мен Кипр Республикасы арасындағы сотталған адамдарды беру туралы келісімді ратификациялайтын заңға қол қойғанын мәлімдеген болатынбыз.