Тоқаев антикор басшысы Асхат Жұмағалиді қабылдады

Қасым-Жомарт Тоқаев сыбайлас жемқорлыққа қарсы іс-қимыл агенттігінің төрағасы Асхат Жұмағалиді  қабылдады, деп хабарлайды Orda.kz.

Антикор басшысы Асхат Жұмағали еліміздегі сыбайлас жемқорлыққа қарсы іс-қимыл шаралары туралы президентке есеп берді.

Асхат Жұмағалидың айтуынша, 2022 жылдан бастап мемлекет пен квазимемлекеттік сектор субъектілеріне 1 триллион 90 миллиард теңге сомасында мүліктік активтер мен қаражат қайтарылған. Осы қайтарылған қаржыдан білім беру инфрақұрылымын қолдау қорына 153,3 миллиард теңге аударылды. Оның ішінде тағы 50-ден астам мектеп ашылып, алдағы уақытта тағы 30 білім ошағын салу жоспарланып отыр. 

Сонымен қатар, мұғалімдердің еңбекақы төлеу қорынан миллиардтаған доллар ұрлауға ықпал еткен сыбайлас жемқорлық факторларын жою бойынша шаралар қабылдануда. Бюджет процестерін автоматтандыруға, қазынашылық жүйесін білім беру ұйымдарының есеп жүйелерімен интеграциялауға, сондай-ақ, төлем құжаттарына қол қоюда биометрия енгізуге бағытталған цифрлық шешімдер енгізілгендігін баяндады.

Кездесу барысында Тоқаев антикор басшысына еліміздегі сыбайлас жемқорлықпен күресті күшейтуді тапсырды.