Тоқаев Абай облысының әкіміне бірқатар тапсырма берді

Мемлекет басшысы Қасым-Жомарт Тоқаев Абай облысының әкімі Нұрлан Ұранхаевты қабылдады, деп хабарлайды Orda.kz порталы.

Нұрлан Ұранхаев облыстың өткен жылғы әлеуметтік-экономикалық даму қорытындысы туралы баяндады.

Әкімнің сөзінше,  былтыр өңір экономикасына 568,9 миллиард теңге инвестиция салынған. Бұл орайда өсім 132,7 пайыз болса, оның ішінде жеке инвестиция көлемі 131,5 пайызға артқан. Әкім жұмыс істеп тұрған шағын және орта кәсіпкерлік субъектілерінің саны 107,1 пайызға ұлғайып, 53,2 мыңға жеткеннін атап өтті.

Қасым-Жомарт Тоқаев аймақ басшысына облысты одан әрі дамыту және тұрғындардың әл-ауқатын арттыру жөнінде бірқатар тапсырма берді.