Тоқаев Абай облысы тұрғындарының бастамасын қолдады

Қазақстан президенті Қасым-Жомарт Тоқаев Абай облысы тұрғындарының өртенген қарағайлы орманды қалпына келтіру бастамасын қолдады.

Бұл туралы президенттің кеңесшісі әрі баспасөз хатшысы Берік Уәли Facebook парақшасында жазды.

«Мемлекет басшысы Қасым-Жомарт Тоқаев жергілікті тұрғындардың Семей қаласының айналасындағы өртенген қарағайлы орманды қалпына келтіру туралы бастамасын қолдады» деп жазады Берік Уәли.

«Таза Қазақстан» акциясы аясында Семей қаласы мен Бородулиха ауданының жүздеген тұрғыны жаңа көшеттерге өмір беру үшін «Семей орманы» мемлекеттік орман шаруашылығы зауыты қызметкерлері дайындаған учаскелерге барғаны бұрын хабарланған болатын.

Акцияға Абай облысының әкімі Нұрлан Ұранхаев, оның орынбасарлары, жоғары оқу орындарының, қоғамдық және ардагерлер ұйымдарының басшылығы мен студенттері де қосылды.

Жаппай акцияға барлығы 30-дан астам ұйым қатысты.