Тоқаев 4 елшіні қабылдап, сенім грамотасын алды

Қазақстан президенті Қасым-Жомарт Тоқаев төрт ел елшілерінен сенім грамотасын алды.

Бұл туралы Ақорда хабарлады.

«Ақорда» резиденциясында салтанатты түрде өткен рәсімде 4 елдің елшісі мемлекет басшысына сенім грамоталарын тапсырды.

Соның ішінде Қатар елшісі Абдалла бен Хусейн Мұхаммед Джабер, Венесуэла елшісі Росальба Ло Буэ Антико, Камбоджа елшісі Чеа Сок, Бурунди елшісі Жозеф Нкурунзиза болды.

Президент оларды Қазақстандағы дипломатиялық миссияларының ресми басталуымен құттықтады.

Сондай-ақ, олардың басшыларына ізгі тілегі мен сәлемін жолдады.

«Біз салмақты, сындарлы, бейбіт сыртқы саясат жүргізіп отырмыз. Жақын арада аталған мемлекеттермен өзара ынтымақтастықты дамытуда жаңа жетістіктерге қол жеткізе аламыз деп сенеміз. Баршаңызды тағы да құттықтаймын. Сіздердің Қазақстандағы маңызды миссияларыңызға табыс тілеймін», – деді президент.