Төреғали Төреәлінің үстінен билік өкіліне тіл тигізгені үшін қылмыстық іс қозғалды

Белгілі қазақстандық әншіге қатысты ҚР Қылмыстық кодексінің 378-бабы «Билік өкілін қорлау» бойынша қылмыстық іс қозғалды, деп хабарлады полиция.

Бұған дейін полиция қызметкерлері мас күйінде көлік жүргізгені үшін ұстаған Төреғали Төреәлі Алматы қалалық ІІД әкімшілік қамауға алынғандарды уақытша ұстау изоляторына қамалды.

Оның үстінен ҚР Қылмыстық кодексінің 378-бабы «Билік өкілін қорлау» бойынша қылмыстық іс қозғалды.

Полиция медициналық сараптама қорытындысы бойынша әншіні әкімшілік қамауға алудан босатуға дәлел жоқ екенін баса айтты.

Бұған дейін оның жеті жыл мерзімге көлік жүргізу мүмкіндігінен айырылатынын жазған болатынбыз.