Тоқаев тәжік жәрмеңкесі туралы: мен ешқашан тегін алмаймын

Президенттік телерадиокешен мемлекет басшысы Қасым-Жомарт Тоқаевтың көрмедегі жәдігерлерді сатып алып жатқанын көрсететін бейнеролик таратты.

Бұған дейін ғаламторда Астанадағы Тәжікстанның мәдениет күні аясындағы көрмеде қазақстандықтардың жәдігерлерді, жеміс-жидек қойылған экспонаттарды жаппай бұзып, жапатармағай таласып, қабырғадағы кәдесый табақтарына дейін жұлып алмақшы болып жатқан бейнекөріністер жарияланды. Тәжіктер тарапы өз экспозициясын безендіргені туралы кадрлар да  тараған болатын.

 Астанадан түсірілген бұл кадрлар желі қолданушыларының наразылығын тудырды. Көптеген танымал және қарапайым қазақстандықтар бұл кадрларды көргенде ұяттан өртене жаздағандарын мойындады.

Дегенмен көрме бүгін тағы жалғасын табуда, бүгін кешегі күнгі көрмедегі  басты шудан айығып, кешегідей тобырлық санаға жол берілмейді деген үмітіміз басым.