Тоқаев азаматтардың конституциялық құқықтарының қатаң сақталуын тапсырды

Мемлекет басшысы Ішкі істер министрі Марат Ахметжановты қабылдап, министрдің баяндамасын тыңдады.

Ахметжанов еліміздегі криминогендік ахуал, қылмыс санының азайғаны жөнінде баяндады. Сондай-ақ есірткі қылмысына қарсы күрес бағытында жүргізіліп жатқан жұмыстардың қорытындысы туралы есеп берді.

«Жыл басынан бері құқық қорғау және арнаулы органдарының бірлескен күш-жігері нәтижесінде 14,3 тонна есірткі, соның ішінде 71,5 кг героин, 652 кг синтетикалық есірткі тәркіленген; - 52 есірткі зертханасын жойып, 85 тонна прекурсор тәркіленген; - ұйымдасқан қылмыстық топтардың әрекеттері бойынша 37 қылмыстық іс тіркелген; - адам саудасына байланысты 111 қылмыс анықталған» деп жазылған хабарламада

Президент құқық қорғау органдарына азаматтардың конституциялық құқықтарының қатаң сақталуын қамтамасыз етуді тапсырды.